Oleh : Perasa Ambigu
Sc Kawan berpikir, 09.09.2021
Kabaya mama par papalele
Baniang itam par sombayang
Kaki talanjang paleng cinta aspal panas.
Malu hati? yang penting tampa garam taisi.
Tanktop, calana umpan, body sadap
Bihun licin, tapung putih, standar ana negri.
Bagoyang body pica, yang penting idola.
Idaman samua insan peminat jatah.
Malu hati? yang penting hitz.
Ina yang manis, meringgis lia nona.
Dolo adat, sakarang azab.
Ina papalele bakaringat,
Nona bagoyang bakaringat.
Satu par tampa garam, satu par love aplikasi.
Nona coba ale buka mata!!
Nona coba ale buka hati!!
Nona ale anggap apa meja carita?
Nona ale anggap apa tungku babakar?
Mungkin perempuan kota memang carita beda!
Sampe kapan nona?
Mo cari apa?
Gelar duta bagoyang?
Bangong sayang, negri perlu maju!
Badiri sayang, parampuang musti maju!
Parampuang kota musti tumbuh jang tumbang!
Kasih hidop nona martha jiwa sayang!
Nona martha yang papalele deng dulang zg malu.
Nona martha yang toma maju deng tombak zg taku.
Nona Ambon mustu bagitu sayang!
Beta harap mawar banya tumbuh,
supaya negeri sajo bukan gersang,
supaya ina tado bukan balisa.
Sekian gelisah hati beta par nona.
Beta permisi.
#PerasaAmbigu🦋